2022թ. մայիսի 26-ին ՌԴ Վելիկի Նովգորոդ քաղաքում մեկնարկեց երիտասարդ գյուտարարների և նորարարների միջազգային համաժողովը (26-29.05.2022):
Գյուտերի ցուցահանդեսին մասնակցում են աշխարհի ավելի քան 200 գյուտարարներ և նորարարներ:
Համաժողովին մասնակցած հայկական QaylTech և Foldink ընկերությունները Biomedical Engineering Association of Armenia -ի անդամ են։
QaylTech ընկերությունը զբաղվում է վերականգնողական և օժանդակ սարքերի և սարքավորումների արտադրությամբ։ Ֆորումին ընկերությունը ներկայացրեց MetaGait նորարարական լուծումը։
«MetaGait»-ը հաշմանդամություն ունեցող անձանց օգնում է իրականացնել քայլքի իմիտացիա՝ կանխելով անշարժության հետևանքով առաջացող 30-ից ավել հիվանդություններ։
«MetaGait»-ը
Օգնում է վերականգնել հաշմանդամություն ունեցող անձանց շարժունակությունը,
Նպաստում է մանկական ուղեղային կաթված ստացած երեխաների քայլքի զարգացմանը,
Հնարավորություն է ընձեռում ուղղահայաց դիրքում ռեաբիլիտացիա իրականացնել տնից՝ բժշկի հեռավար հսկողությամբ։
Սենսորի միջոցով բժշկին է փոխանցվում բուժառուի կատարած քայլերի, անցած ճանապարհի և ծախսած կալորիաների տվյալները։
Լուծում է սոցիալականացման խնդիրը՝ նույն խաղի մեջ միաժամանակ ներգրավելով տարբեր վայրերում գտնվողների։
Մարզման ընթացքում ապահովում է հետաքրքիր ժամանց։
Վիրտուալ խաղերի միջոցով ակտիվացնում է ուղեղի մկանային հիշողությունը, վերականգնում նյարդային կենտրոնները և և ձևավորում նոր նեյրոնային կապեր։
Խաղերի տեսարանները և ռելիեֆն ադապտացվում են՝ կախված, թե բուժառուի որ մկանն է անհրաժեշտ զարգացնել։
Խաղերի միջոցով հնարավորություն է ընձեռվում տեսնելու Հայաստանի տեսարժան վայրերը ՝ բուժառուներին տեղափոխելով Տաթևի վանական համալիր, իսկ ապագայում նաև Սուրբ Ղազանչեցոց մայր տաճար, Սևանա լիճ և այլ մշակութային վայրեր։
Foldink-ը մշակում է բիոտպագրության տեխնոլոգիան։ Բիոտպագրությունը երեք մեծ գիտության ճյուղերի համախմբումն է՝ ինժեներիա, բիոմատերիալների ինժիներիա, բջիջների կուլտիվացիա։ Այդ ամենը համախմբված է մեկ տեխնոլոգիայի մեջ, ինչը թույլ է տալիս լաբորատոր պայմաններում տպագրել, այսինքն՝ ստեղծել ապրող հյուսվածքներ։ Տպագրված մոդելները հանդիսանում են մարդու հյուսվածքի կրկնօրինակ, որոնք կրկնօրինակում են ֆիզիոլոգիական պրոցեսները մարդու օրգանիզմում։ Այն հնարավորություն է տալիս որոշ դեպքերում փոխարինել կենդանիների մոդելներին տարբեր դեղորայքների կամ կոսմետիկայի փորձարկումների ժամանակ։
Հարցազրույցներ՝
Հասցե՝ 0010 ք. Երևան, Մ. Մկրտչյան 5/1
Տեղեկատվություն ստանալու հարցումները՝ [email protected]ին։
Հետևեք մեզ սոց․ ցանցերում
Հայաստանի Հանրապետության Վարչապետ
https://www.gov.amՀայաստանի Հանրապետության Կառավարություն
http://parliament.amՀայաստանի Հանրապետության Ազգային ժողով
https://president.amՀայաստանի Հանրապետության Նախագահ
2006-2024 © ՀՀ էկոնոմիկայի նախարարության Մտավոր սեփականության գրասենյակ պաշտոնական կայք։
Բոլոր իրավունքները պաշտպանված են։ Հղումը www.aipo.am-ին պարտադիր է: