ՀՀ էկոնոմիկայի նախարարության մտավոր սեփականության գրասենյակը (ՄՍԳ) Հայաստանի Հանրապետությունում գյուտերի և արդյունաբերական դիզայնի արտոնագրեր տրամադրելու և ապրանքային նշանների և աշխարհագրական նշումների գրանցման պետական մարմինն է: Այն նաև խորհրդակցություն է տրամադրում հեղինակային իրավունքի հարցերով:
Իր գործունեությամբ Գրասենյակն ապահովում է Հայաստանի Հանրապետության Սահմանադրության 60-րդ հոդվածի 7-րդ մասի իրականացումը, նպաստելով գիտության, արվեստի և գործարարության առաջընթացի խթանմանը:
Յուրաքանչյուր ամսվա 1-ին և 16-ին, Մտավոր սեփականության գրասենյակի պաշտոնական կայքում, հայերեն և ռուսերեն լեզուներով հրապարակվում են «Արդյունաբերական սեփականություն» և «Ապրանքային նշանների և արդյունաբերական դիզայնի հայտեր» պաշտոնական տեղեկագրերը ։
