2023 թ. դեկտեմբերի 16-ից 20-ը Մոլդովայի Հանրապետության Քիշնև քաղաքում տեղի  ունեցավ ԱՄՆ Առևտրի դեպարտամենտի Կոմերցիոն իրավունքի զարգացման ծրագրի (CLDP) և Մոլդովայի մտավոր սեփականության պետական գործակալության (AGEPI) կողմից կազմակերպված մտավոր սեփականության տարածաշրջանային աշխատանքային խմբերի հանդիպումը և կարողությունների զարգացման սեմինարը: Հանդիպման  նպատակն էր շարունակել 2023 թ. հուլիսին Վրաստանի Հանրապետության Բաթումի քաղաքում կայացած «Վրաստանն ընդդեմ կոնտրաֆակտ ապրանքի» խորագրով 7-րդ միջազգային կոնֆերանսի արդյունքում ձեռք բերված աշխատանքային խմբեր ստեղծելու պայմանավորվածությունը և ակտիվորեն նպաստել Եվրոպայի եվրասիական տարածաշրջանում ՄՍ իրավունքների պաշտպանության և կիրարկման գործում համագործակցությանը և տեղեկատվության փոխանակմանը: ՀՀ պատվիրակությունը ներկայացնում էին Մտավոր սեփականության գրասենյակի, Մաքսային ծառայության, Ներքին գործերի նախարարության և Տնտեսական մրցակցության պաշտպանության պետական հանձնաժողովի աշխատակիցները: