2025 թ. հուլիսի 30-ին և 31-ին Երևանում կայացավ «Արժեքի բացահայտում. Մտավոր սեփականությունը՝ որպես հայկական գինեգործության կայուն զարգացման շարժիչ ուժ» վերապատրաստման և մենթորության ծրագիրը, որը կազմակերպվել էր Մտավոր սեփականության համաշխարհային կազմակերպության (ՄՍՀԿ), ՀՀ էկոնոմիկայի նախարարության Մտավոր սեփականության գրասենյակի և Հայաստանի խաղողագործության և գինեգործության հիմնադրամի կողմից։

Ծրագրի նպատակն էր աջակցել Հայաստանի գինեգործներին՝ արդյունավետ կիրառելու բրենդավորման, ապրանքային նշանների, աշխարհագրական նշումների և որակի վերահսկման գործիքները՝ միջազգային շուկայում մրցունակ և պաշտպանված լինելու համար։

Մասնակիցներն ստացել են ինչպես խմբային, այնպես էլ անհատական խորհրդատվություն՝ ուղղված գինեգործական գործունեությունում մտավոր սեփականության կիրառման հստակ քայլերի ձևակերպմանը։