2025 թ. նոյեմբերի 20-ից 21-ը Իսպանիայի Թագավորության Ալիկանտե քաղաքում Եվրոպական միության մտավոր սեփականության գրասենյակը (European Union Intellectual Property Office (EUIPO)) Եվրոպական միության հետ համատեղ անցկացրել է Հեղինակային իրավունքի վերաբերյալ համաժողով, որին մասնակցել են Հայաստանի Հանրապետության էկոնոմիկայի նախարարության մտավոր սեփականության գրասենյակի ղեկավարը և գրասենյակի աշխատակիցները:
2025 թ. նոյեմբերի 26-ից 27-ը Երևան քաղաքում ՀՀ Էկոնոմիկայի նախարարության մտավոր սեփականության գրասենյակը Մտավոր սեփականության համաշխարհային կազմակերպության (ՄՍՀԿ) հետ համատեղ կազմակերպում է հեղինակային և հարակից իրավունքների կոլեկտիվ կառավարման կազմակերպությունների գործունեությանը նվիրված աշխատաժողով:
Մտավոր սեփականության համաշխարհային կազմակերպությունը (ՄՍՀԿ), Հայաստանի Հանրապետության էկոնոմիկայի նախարարության մտավոր սեփականության գրասենյակի և Հայաստանի պետական տնտեսագիտական համալսարանի հետ համատեղ, կազմակերպում են IP4Apps Bootcamp եռօրյա դասընթաց, որը կկայանա 2025 թ. նոյեմբերի 17-19-ը՝ Երևանում։
2025 թ. նոյեմբերի 11-ից 12-ը Եվրոպական միության մտավոր սեփականության գրասենյակը (European Union Intellectual Property Office (EUIPO)) Հայաստանի Հանրապետության էկոնոմիկայի նախարարության մտավոր սեփականության գրասենյակի հետ համատեղ անցկացրել է փաստահավաք առաքելություն (fact-finding mission):
2025թ. սեպտեմբերի 2-ից 3-ը Ծաղկաձոր քաղաքում կայացավ «Հայկական Բրենդի» աշխարհագրական նշման ստեղծման նախագծի պատասխանատու տեխնիկական աջակցության թիմի կողմից կազմակերպված երկօրյա աշխատաժողովների շարքը։
