2025 թ. դեկտեմբերի 5-ին Ղազախստանի Հանրապետության մայրաքաղաք Աստանայում կայացավ մտավոր սեփականության և տեխնոլոգիաների վերաբերյալ «IP Եվրասիա / IP Ղազախստան 2025» չորրորդ միջազգային համաժողովը։ Հայաստանի Հանրապետության մտավոր սեփականության գրասենյակի ղեկավարն առցանց հանդես եկավ բացման խոսքով՝ ընդգծելով ՄՍ ոլորտում միջազգային համագործակցության զարգացման կարևորությունը և նորարարությունների դերը ժամանակակից տնտեսության մեջ։

Համաժողովը նվիրված էր դեղագործական և բժշկական արդյունաբերությունների նորարարական ներուժի զարգացմանը, ինչպես նաև եվրասիական տարածաշրջանում մտավոր սեփականության ոլորտի վրա արհեստական բանականության գործիքների զարգացման ազդեցությանը։ Միջոցառմանը մասնակցում էին արտոնագրային գրասենյակների ղեկավարներ, դեղագործական ընկերությունների ներկայացուցիչներ և առաջատար մասնագետներ։