2026 թվականի մարտի 26-ից 27-ը Երևան քաղաքում ՀՀ էկոնոմիկայի նախարարության մտավոր սեփականության գրասենյակը Մտավոր սեփականության համաշխարհային կազմակերպության (ՄՍՀԿ) հետ համատեղ կազմակերպում է իրավապահ մարմինների ներկայացուցիչների համար նախատեսված մտավոր սեփականության իրավունքների կիրարկման հարցերով ազգային աշխատաժողով: Միջոցառման նպատակն է նպաստել իրավապահ մարմինների կարողությունների զարգացմանը մտավոր սեփականության իրավունքների պաշտպանության ոլորտում, մասնավորապես՝ մտավոր սեփականության խախտումների դեմ պայքարի ժամանակակից մոտեցումների կիրարկման հարցերում։
Աշխատաժողովն անցկացվելու է Երևան քաղաքի փ․ Բուզանդի 15 հասցեում գտնվող «Ramada Hotel & Suites by Wyndham Yerevan» հյուրանոցի «Pomegranate» սրահում։ Աշխատաժողովն անցկացվելու է անգլերենով՝ հայերենի համաժամանակյա թարգմանությամբ։ Աշխատաժողովին մասնակցելու համար կարող եք մինչև մարտի 13-ը գրանցվել հետևյալ հղումով: